Hernández da Xunta de Galicia e Louzán da Deputación de Pontevedra, estiveron presentes na Festa do Viño de Barro.

O Conselleiro de Medio Ambiente,Territorio e Infraestructuras da Xunta de Galicia, Agustín Hernández, o Presidente da Deputación de Pontevedra, Rafael Louzán, o Delegado Territorial da Xunta en Pontevedra, Cores Tourís, ademáis de alcaldes como os de Portas, Meis, ou Cotobade, quixeron acompañar ós veciños de Barro na XXXIII Edición da Festa do Viño de Barro.

José Antonio Landín, alcalde de Barro, cursoulles a invitación e eles, quixeron demostrar o seu apoio institucional tanto da Xunta de Galicia como da Deputación de Pontevedra, durante a fin de semana da Festa do Viño, dando se cabe máis valor e importancia á nosa festa por excelencia no Concello de Barro.

Desta volta foron 30 as bodegas que participaron, e acadouse un volume de negocio e visitantes bastante razoable para os tempos que estamos a vivir.


Durante toda a fin de semana, diversas actividades, tiveron lugar para darlle lecer a tódolos veciños e visitantes, como o futbol sala, os xogos para nenos, o concerto de banda, o concurso de pinchos, etc.

O entorno do Pazo da Crega, foi o lugar elexido por miles de persoas que puideron ver a gran obra que o goberno de Barro está a rematar e que pronto todos podremos desfrutar.

Xa queda menos para a vindeira edición da Festa do Viño. Dende aquí queremos felicitar á organización polo seu traballo e facer que todo saise ben como sempre.

Imaxe do Faro de Vigo.